kya maine kho diya hai khud ko ya fhir khud ka pata bhul gya hun. khud hi khud se dur hua ja raha hun .
Unki yaad mein khud ki fikra hoti hai ya abhi bhi unhi ki fikra lagi hai mujhe. Kal subah ki hue barsat ke baad aasman kitna ssaf tha , barse bundo ne sab dho diya tha , dhekho to zara kaise hari ghas dhuli-dhuli si chamak rahi hai ,ek pyari si pink libas me khud ko lapete bachchi apne kisi dost ke pichhe bhag rahi hai aur us ladke ne bhagte-bhagte ek ped ke tane ko hila kar us ladki pe vo bunde fir se barsa di. kitni khubsurat hai hasi unki.Fir jabki sab saaf hai to ye mere dhundhlepan ko q saaf nahi kar pa raha , jabki ab nahi hun mai uski zindgi mein to fir vo mere pas hai kyon har wat rahta.Shayad yahi prem ka sachha swarup hai .Hridya chahta hai ki jo mai mehsus kar raha hun vo aisa kadapi na karen .Hey ishwar ye pida to mai sah leta hun par ye pida unhe v ho ye shayad na sah saku.

    " Mere khuda bas ek dua bachi hai meri,
      Kubul kar agar bande pe pyar aa jaye
      Dua bhi uske liye jo tera bhi pyara hai,
      Meri dua hai ki  usko karar  aa jaye "